Mae gormod o’n cymunedau wedi byw yng nghysgod tomennydd glo ers tro, sy’n sefyll fel atgofion dyddiol o’r cyfoeth a rwygwyd o’r ddaear o dan ein traed (a’r elw a dynnwyd gydag ef).

Rhaid inni fynnu bod San Steffan yn ariannu gosod paneli solar ar ein hadeiladau cyhoeddus yn y cymoedd, i helpu i bweru ein mannau cymunedol, ac i sicrhau bod ein trefi a’n pentrefi’n cael eu digolledu am yr adnoddau a dynnwyd ohonynt.