Fy ngweledigaeth

Rwy’n gofyn am eich cefnogaeth fel eich ymgeisydd Rhif 1 ar gyfer Blaenau Gwent Caerffili Rhymni, er mwyn caniatáu i mi barhau â’r gwaith rwyf wedi’i ddechrau yn y rôl hon. Bydd y sedd hon yn ganolog i lwyddiant Plaid Cymru yn yr etholiad nesaf. Fel eich ymgeisydd Rhif 1 ar gyfer y sedd hon, byddwn yn clustnodi fy holl egni, syniadau a brwdfrydedd i sicrhau ein bod yn ethol o leiaf 2 Aelod o’r Senedd o’r ardal hon i gynrychioli ein cymunedau yn ein senedd genedlaethol. Ac wrth gwrs, bydd ennill y 2 sedd hynny ym Mlaenau Gwent Caerffili Rhymni yn hanfodol i sicrhau bod Plaid Cymru yn arwain y llywodraeth ar ôl yr etholiad nesaf.

Mae hon yn ardal sydd wedi bod yn ganolog i fy mywyd. Fel cynifer ohonoch, rwyf mor falch fy mod yn hanu o gymoedd de Cymru: mae’n ardal sydd â hanes pwerus o gymunedau’n dod at ei gilydd yn wyneb anghyfiawnderau chwerw. Mae brwydrau heddiw yn mynnu’r un cryfder a phenderfynoldeb oherwydd rwyf am i’n cymoedd wynebu dyfodol sydd yr un mor ysbrydoledig â’n gorffennol. Mae arnom ddyled i'n cymunedau heddiw ac i frwydro dros ein cymoedd yn y dyfodol.
 

O frwydro dros bensiynau cyn-lowyr, i ymgyrchu yn erbyn cau llyfrgelloedd a Llancaiach Fawr, rwyf wedi hyrwyddo achosion ein cymunedau dros y chwe mlynedd diwethaf. Mae dod o gymoedd de Cymru yn hanfodol i fy hunaniaeth. Rwy’n ymfalchïo’n fawr yn y ffaith hwn, ac rwy’n credu’n gryf y gall y ardal hon fod yn bwerdy o arloesi a diwydiant unwaith eto, pan fydd Cymru yn cymryd ei lle haeddiannol ar lwyfan y byd. Os ydych chi'n rhannu fy ngweledigaeth ar gyfer Cymru decach, fwy llewyrchus gyda'n cymunedau yn ganolog iddi, yna ymunwch â mi yn yr ymgyrch hon a phleidleisiwch drosof fel eich dewis #1 ym Mlaenau Gwent Caerffili Rhymni.